மலேசிய விமானம் விபத்துக்குள்ளாகியுள்ளதாக அதிகாரப்பூர்வமாக மலேசிய பிரதமர் நேற்று அறிவித்ததை தொடர்ந்து துக்கத்தை வெளிப்படுத்தும் விதமாக மலேசிய செய்தித்தாள்கள் இன்று கருப்பு நிறத்தில் முதல் பக்கத்தை அச்சிட்டிருந்தன.
மலேசியாவின் குறிப்பிடத்தகுந்த தினசரி பத்திரிக்கையான ´ஸ்டார்´ செய்தித்தாள் இன்று வெளியிட்டுள்ள பதிப்பில் முன்பக்கம் ´ஆர்.ஐ.பி எம்ஹெச்370´ என்று வெளியிட்டுள்ளது.அதன் பின்புறம் மறைந்த பயணிகளின் பெயர் சிறிய எழுத்துகளில் அச்சிட்டப்பட்டிருந்தது.
´நியூ ஸ்ரைட் டைம்ஸ்´ என்ற செய்தித்தாள் முதல் பக்கம் முழுவதையும் கருப்பு நிறத்தில் அச்சிட்டிருந்தது. மேலும்,அப்பக்கத்தில் ´குட் நைட் எம்ஹெச்370´ என்ற வாசகமும் இடம் பெற்றுள்ளது.அதுதான் மாயமான மலேசிய விமானத்தில் இருந்து வந்த கடைசி செய்தி என்பது குறிப்பிடத்தக்கது. மலாய் மற்றும் சீன மொழி பத்திரிக்கைகளும் முதல் பக்கத்தை கருப்பு நிற பின்னணியுடன் வெளியிட்டிருந்தன.
ஆங்கில பத்திரிக்கையான ´சன்´ தனது செய்தித்தாளின் பெயரை கருப்பு நிறத்தில் வெளியிட்டுள்ளது. ஸ்டார் செய்தித்தாள் இதைப்பற்றிய செய்தியில்,´ஒரு நீண்ட நெடிய காத்திருப்பு இன்று முடிவுக்கு வந்துள்ளது´ என்று கூறியுள்ளது.
|
|